Baby Kingdom (親子王國) 年賺4百萬

香港矽谷 09-Sep-09

對年輕一輩的父母來說，親子網站Baby Kingdom (親子王國)幾乎無人不識，一切關於生BB、入學資訊，甚至到今晚煮乜餸、邊度有屋租等話題都找到。

現時親子王國會員人數高逹23萬，不過網站背後的掌舵人，不是師奶，竟然是34歲、即將結婚的薛嘉龍 (Rainer)。本身從事IT行業的他，在01年科網爆破後，憑藉對網上生意的信心和熱誠，於02年建立Baby Kingdom，奮鬥7年，終於把網站湊大，成為親子網站的一哥，每年營業額過千萬，盈利400萬。

雖然記者尚未生兄育女，但偶然上網搜尋一些家居買賣，甚至是烹飪食譜的資料，總會連結到Baby Kingdom的討論區，該網站資訊不但多和實用，記者留言不到分鐘，已有幾位會員解答問題，果然人流暢旺。像Kitty前年已成為會員，亦大讚Baby Kingdom人氣勁，問甚麼問題也有人回答，‘我07年想生BB，就上Baby Kingdom搵下資料，跟住識左好多會員，大家在網上討論同分享，感覺好好，而且網站有好多唔同資訊，對媽咪好有用-我到而家生完BB，都keep住有 上網站同其他會員傾偈。’
團購折扣  招徠會員

網站人流多，正是Baby Kingdom掌舵人Rainer的目標，‘一個網站除了資訊齊、實用外，最緊要係人流多，尤其係討論區，會員一有問題，就會有人回答到，咁大家先有心 機?網上傾偈，同埋會覺得網站真係有用。’一個單身男人身處媽咪堆中，Rainer也想盡辨法拉近關係，像網站成立之初，便日日上網與會員聊天‘我未結婚 生仔，所以好多親子話題如湊仔、入學都唔多識，惟有四圍問生咗細路的朋友，睇吓佢地的解決方法，又會多D睇書、上網幫佢地搵資料，同埋好多媽咪必識的IT 知識。我就教佢地點留言、點UPLOAD相片等，D媽咪見我搭到嘴，又好快去幫佢地解決問題，開始得到信任。’

為吸引媽咪入會，Rainer還會代會員團購，取更多貨品的優惠。像03年，當時媽咪界流行買迪士尼英文教材，在香港一套便要3萬元，但由於英語是 新加坡的母語，故一套教材只需千多元，‘有位新加坡的會員話可以代香港媽咪買教材，我為免網站牽涉到金錢交易，所以就出面做中間人，請新加坡會員代買，由 我收貨，同在香港交收。’結果反應熱烈，Rainer位於灣仔的家，變成了貨倉，‘日日拖位D教材，四圍送貨，都幾辛苦。加上最初D媽咪見我原來是男仔， 都會有點驚訝，但我每次送貨會睇晒說明買，教佢地點用產品，又會同佢地傾下網站有咩改進，例如加多D教育、入學資訊等，到後來搞活動，我又會主動同佢地傾 偈，氹下小朋友玩，慢慢就開始同D媽咪熟絡。’

見反應不俗，Rainer隋後嘗試與不同BB用品牌子、樂高積木等傾團購，通常可拿到半價至7拆優惠，‘我地冇錢賺的，純粹係想益下會員，同吸引媽 咪入會。’頭，2年，Rainer幾乎天天送貨，連交通費都蝕埋‘最尷尬係在街撞到D舊同學，佢地就西裝骨骨，我就牛記笠記，佢地問我做咩，我都唔知點 答。’
嬰兒網站 潛力極大

其實Rainer亦曾經西裝骨骨，97年在加拿大修讀經濟及心理學的他，回港後於HongKong.com任頻道經理，月入約5萬。可惜01年科網 爆碼，慘被裁員。‘那時D人同我講，dot com冇得做了，但我仍然堅信網上生意有得做。’碰巧剛為人父的朋友Winson向他訴苦，‘Winson話上網搵植都只得外國有親子網，D資訊唔啱香港 用，所以我地覺得可以做個屬於香港人的BB網站，潛力好大。’02年，27歲的Rainer與Winson膽粗粗合資10萬元，開辦Baby Kingdom。

‘開頭我地都係叫朋友入會，在上面開幾個論壇，同埋於一D育兒資訊上去，加上Winson生咗BB，可以觸摸到會員心態。’

Rainer更邀請一些專業人士如醫生等提供育兒資訊，又聯絡萬里出版社，取得英國權威醫生撰寫的育嬰資料的網上版權，毋須費用，‘我地同D醫生，出版社講，會credit番佢地的名同資料來源，變相幫佢地宣傳。’

頭1年，網站只得5千位會員，每月約有500位新會員加入，收入不多。那時要替會員送貨，又要管理網站，Rainer每日只睡4至5個鐘，‘試過有 次送完貨返來，病了成個星期。’雖然之前Rainer有少許儲蓄，但要供樓的關係，每個月也入不敷支，‘公司頭2年都有乜錢賺，日日要死慳死抵，日頭食公 仔面，夜晚就返屋企黐餐，好在我父母理財有道，細佬又做律師，唔使我養家。’
吸引廣告商 賺百萬

雖然對生意有信心，但Rainer也曾瞞著拍檔搵工，‘試過遇見一份IT工，人地肯出6萬蚊人工請我，但我始終唔捨得個網站，想繼續做落去。’幸好 03年，第一個廣告商主動聯絡他們，‘我地也有個會員係金融公司做，但想搞個投資講座，但唔够人，於是主動聯絡我地，登左個小廣告，希望在1星期內搵多 20人參加，點知反應好好，個講座最後仲收凸左人。’此廣告只收千多元，但對Rainer來說，已是一個鼓勵。之後他與Winsorn四處call客，以 網站瀏覽量吸引廣告商，‘試過有個客挑戰我地，如果我地1星期賣到200罐奶粉，就會考慮落廣告，最終我地賣晒，但都冇落到。’

隨著會員人數不斷上升，今年已增至23萬，而洽談到的廣告也愈來愈多，主要是金融投資、嬰兒用品、教育課程等，合共廣告商超千過個，收費由千多元至 數萬元不等，網站由05年開始賺，至今每年錢營業額過千萬，盈利約4百萬。Rainer更在上環租了office，請了廿多個員工，公司漸有規模。
招攬版主 幫手管理

會員上升，瀏覽量增，卻衍生人手不足的問題。‘有些人會係d討論區內留言宣傅自己的產品、有些又會言語攻擎其他人，所以要有人管理住d版面。’
最初Rainer一個人應付20個論壇，但後來論壇漸多，應接不暇，他便想到找會員做版主， 義務幫忙。‘我會楝一些多發言，同埋言論中肯的會員，邀請佢地做版負責睇住d論壇，他們操刪 文、搬文等大權，等d同會員投入感大d。’現時版主人數廿多位，其中Edea於02年已入會，05年 做版主，‘我在網站得到唔少資料，所以樂意幫手，啦家每日至少上網3至4個鐘，仲定期搞版主聚會，大家可以下，同埋提出疑難，感覺好團結，好似一家人。’

為答謝幫忙，Rainer還會送一些或貨辨如奶粉、現金券等給版主。現站定期會舉辨活動，例如BB爬行比聖誕派對等，加強會員間的聯繫，而站出名後，更有大把贊助商願意贊助和服務，‘我地搞活勤，除左加強會網站信心外‧亦當係回饋番畀佢地。

Baby Kirigdom已成為本港親一哥，在香港站穩腳後，去年5月，Rainer更開設親子王國－－深圳站，‘香港的出生率有限，點都唔及內地市埸咁大‧而家 深圳網都有20萬會員。’Rainer已在深圳設office，請了10多位當地人，每星期亦會親自上去一趟。‘遲d我地也仲想係廣州、上海再開分網，打 開內地市埸。’