周潤發、吳鎮宇、童菲同埋袁泉等噚晚喺天際100出席新戲《大上海》首映禮，腳傷嚟唔到嘅黃曉明就拍咗條片，話好遺憾同好可惜。
原本唔做訪問嘅發哥噚晚心情大好，同記者傾咗幾句，一向熱捧TVB劇嘅發哥被問今年心水？佢話大熱係祥仔（黎耀祥）同胡杏兒、楊怡。問佢有冇睇子珊強姦戲？佢即笑話：「好少咋喎，好似楊怡仲長少少。」發哥係咪講緊楊怡咬松哥嘴嗰幕？發哥即話：「楊怡都有俾人強姦呀﹗」
至於會唔會睇好劉松仁？發哥即刻話：「好，點解唔好，但佢唔係親生仔嚟嘛。」果然對TVB嘅賽制好了解。發哥又睇好古明華同陳國邦係男配，女配就係江美儀。
沒有留言:
張貼留言
注意：只有此網誌的成員可以留言。