06月10日(五) 15:14
viuTV舉行選美節目《美選D.n.A》，今日在柴灣進行首次面試。
【on.cc東網專訊】 日前無綫主辦的新一屆香港小姐競選進行了首輪面試，吸引121位佳麗參加，當中不乏高學歷及外型省鏡的參賽者，另一免費電視台viuTV亦照辦煮碗舉行選美節目《美選D.n.A》，今日在柴灣進行首次面試，viuTV打正旗號要打破選美框架，招攬擁有「另類美」的參賽者，選美特式包括「1.16歲以上，冇年齡上限」、「2.冇婚姻限制、已婚亦可」及「3.冇學歷限制，小學程度都得」。
參賽者質素未見突出
今日暫時所見，頭兩位參賽者質素未見突出，比起港姐面試佳麗的整體外型打扮相差一截！首位出場的22歲模特兒Catherine身型瘦削，以一身黑色打扮到場，但右手戴了粉紅色珠鏈，並有禮地向傳媒合十。另一位23歲Jennifer染了一頭灰金色頭髮，身型細粒頗有肉地，自稱是兼職模特兒的她身高只得147cm，即「五呎爭兩吋」，問到為何參加viuTV選美？她說：「呢邊門檻低啲，畀唔同女仔都可以參加，我身高就差少少嘅。（冇諗過參選港姐？）冇呀。自己身高問題。」約大半小時後，面試完畢的Jennifer再受訪，她表示因簽了保密協議不能透露面試內容，只表示是普通傾偈，問到有否信心？她說：「希望會揀我，但唔知佢哋標準係點。」
大會表示招募將進行至本月22日，因有太多人報名所以提早面試，今日約面試20位佳麗。
沒有留言:
張貼留言
注意：只有此網誌的成員可以留言。