由劉青雲、古天樂、彭于晏、吳京、廖啟智、姜皓文、洪天照，內地演員袁泉及江疏影等主演的嘅電影《危城殲霸》，日前正式喺紹興煞科。
其實喺拍攝嘅四個月內，不論導演及演員以至整個劇組，皆遇上不少挑戰，當中有風吹雨打，亦有烈日當空高溫下拍攝，非常艱苦，不過亦因為咁，整個劇組培養咗深厚感情，煞科日亦感到不捨。
而喺《危城》煞科當日，果真「危機處處」，香檳戰幔四起，最激烈嘅可說係陳木勝跟吳京一戰，而平日喺拍攝現場一向冷靜嘅青雲，亦被煞科快樂氣氛感染，忽然突襲噴射手中香檳，令工作人員無一幸免，場面搞笑。
一輪香檳大戰後，眾臨時演員及工作人員亦把握機會，向一班主角索取簽名及合照，煞科當日「大哥大」洪金寶特別客串一角，造型曝光，其妝容更有啲似日本漫畫裡嘅蠟筆小新，不過當呢個「小新」多咗一份霸氣！
唔少工作人員排隊向佢拎簽名及合照留念，大哥大亦有求必應，更打趣表示要收費500元一張。而古仔近日大hit嘅「薯片串」簽名，亦大受歡迎，古仔甚得小演員歡心，不斷被佢哋要求合照，雖然當日喺高溫下穿沉厚戲服，但佢對小演員要求亦一一照做。而彭于晏與陳導自拍時則大做鬼臉。
至於今次拍攝過程中，經常同彭于晏放笑彈嘅吳京，佢同青雲合照時，拎起對方戲中特技化妝頭套，其後更把他戴上，令青雲也忍俊不禁。
沒有留言:
張貼留言
注意：只有此網誌的成員可以留言。